एलिट क्लब विराटनगर नेपालको एक अग्रणी र प्रतिष्ठित बौद्धिक संस्था हो। विराटनगरका युवा शिक्षाविद, समाजसेवी र राजनीतिक बुद्धिजीवीले सन् १९५८ अप्रिल १४ (वि.सं. २०१५ बैशाख १गते) यो संस्था स्थापना गरेका थिए ।लामो समयदखि बैचारिक बहसको थलोको अभाव महसुस भइरहेको बेला स्थापित यस क्लबमा समयको क्रमसँगै विभिन्न क्षेत्रका अगुवा र बौद्धिक व्यक्तित्वहरू सामेल भए । अहिले सबै विचार र सबै पेशाका व्यक्तिहरू रहेको अगुवा नागरिक संगठनका रूपमा भूमिका निर्वाह गरिरहेको छ ।
स्थापनादेखि नै यस क्लबले समसामयिक महत्वको विषयमा सेमिनार, कार्यशाला आदि सञ्चालन गर्नुका साथै राजनीतिक दलका शीर्ष नेता, चर्चित सामाजिक अगुवाहरू, शिक्षाविद्, मानव अधिकारकर्मी र नागरिक अगुवाहरूसँग अन्तरक्रिया गर्ने जस्ता प्राज्ञिक अभ्यास गर्दै अएको छ ।